Siglir tar il cuntegn
Inhalt

Chantun Ina stagiun d’enviern pauc legraivla

L' hotellaria grischuna ha nudà marcantamain damain pernottaziuns la stagiun d'enviern passada, quai mussan las novas cifras da l’Uffizi per economia e turissem dal Grischun.

Ina chombra d'hotel.
Legenda: La stagiun d’enviern passada èn blers letgs en ils hotels grischuns stads vids. Keystone

Cun bun 2,5 milliuns pernottaziuns è il dumber sa reducì per 6,6%, cumpareglià cun la stagiun d'enviern dal 2014/15. Cumpareglià cun la media dals ultims 5 onns munta il minus schizunt a 9,6%. Cunzunt giasts dals pajais vischinants ha l'hotellaria grischuna pers ils davos onns.

25% damain l’avrigl

Guardà sin las cifras da l'avrigl passà vesa la situaziun da l'hotellaria anc ina giada ora pli nauscha. Cun 134’031 èn las pernottaziuns sa reducidas per in quart cumpareglià cun l’onn avant. Las grondas perditas nodan regiuns turisticas impurtantas sco l’Engiadin’Ota Bregaglia, Mustér Sedrun e Savognin Bivio Albula.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

Svizra ha patì il december e schaner

En l'entira Svizra ha l'hotellaria stuì nudar in minus da 1,8% per la stagiun d'enviern 2015/2016, quai tar 15,4 milliuns pernottaziuns totalmain. Gronds minus da var 6% hai dà il december ed il schaner pervi da la mancanza da naiv. Percunter han ils mais mars ed avrigl purtà in plus da bunamain 2%.

RR Novitads 10:00