Siglir tar il cuntegn

Header

cuntegn

Incumbensa Derungs Novas zonas da bajegiar – sch'i dat interessents

Ina vischnanca duai pudair stgaffir nov terren da bajegiar – sch’i dat persunas che han in concret interess da bajegiar là. Co che quai duai precis succeder, sto la regenza ussa sclerir. Deputadas e deputads han numnadamain surdà l'incumbensa da Gian Derungs (PCD).

Igl è in tema ch'occupa actualmain bleras vischnancas grischunas: Tenor lescha èn ellas obligadas da reducir lur zonas da bajegiar. L'onn 2013 ha il suveran svizzer acceptà ina revisiun da la lescha federala davart la planisaziun dal territori.

Las consequenzas sa mussan ussa tenor Gian Derungs: En la Bassa dastgia vegnìr bajegià vinavant, entant ch'il svilup en las regiuns muntagnardas vegnia franà cun reducir bleras zonas da bajegiar.

audio
Gian Derungs: Vischnancas pateschan
ord RTR Audio dals 28.08.2020. Maletg: RTR
laschar ir. Durada: 16 Secundas.

Perquai duain las vischnancas survegnir la cumpetenza da reagir pli flexibel: Sch'i dat insatgi che ha interess da bajegiar, duai esser pussaivel d'enzonar territori.

Cusseglier guvernativ Marcus Caduff (PCD) ha bain mussà chapientscha per il dilemma da las vischnancas. Tuttina è el sa dustà cunter quest’incumbensa, cunquai ch’ella cuntrafetschia al dretg federal.

audio
Marcus Caduff: Betg realistic
ord RTR Audio dals 28.08.2020. Maletg: RTR
laschar ir. Durada: 18 Secundas.

Il resultat è stà stretg: 54 deputads han sustegnì l'incumbensa e 49 han refusà ella (1 persuna è s'abstegnida da la vusch).

RTR novitads 12:00

Artitgels legids il pli savens