Siglir tar il cuntegn

Header

cuntegn

Incumbensa Hug Cuvertas da votaziun duain vegnir francadas ordavant

La participaziun da votar en Grischun duai vegnir augmentada cun francar gia ordavant las cuvertas da votaziun. Quai pretenda il deputà dal Cussegl grond Roman Hug da la regenza grischuna.

Purtret da Hug che pretenda la midada.
Legenda: Il cusseglier guvernativ Roman Hug. Keystone

La participaziun da votar saja stagnada ils ultims onns sin fitg bass nivel. En Grischun saja la participaziun anc pli bassa che la media naziunala, uschia il deputà da la PPS enavant.

Per meglierar questa situaziun pretenda el da la regenza dad adattar la lescha uschia che Grischunas e Grischuns survegnan en avegnir cuvertas francadas tar votaziuns communalas, chantunalas e naziunalas. Ils custs persuenter stuess lura il chantun purtar. Cun quai possia la participaziun vegnir auzada per dus puncts procentuals, quai mussia in studi da l'Universitad da Friburg. La raschun persuenter saja ch'i dettia pli pauca lavur per ils votants.

RR novitads 17:00