La regenza dal Grischun duai puspè prender si las tractativas per la realisaziun da la Porta Alpina sco staziun da tren a Sedrun – quai ha il deputà da la PCD da Sedrun René Epp pretendì en in'incumbensa a la regenza. Er las deputadas ed ils deputads dal Cussegl grond han sustegnì el unanimamain.
La regenza duai far tut ses pussaivel, per rinforzar ch'il project possia vegnir realisà. Il project saja numnadamain visiunari, possia daventar in'attracziun turistica e colliar la Surselva cun ina da las pli impurtantas rutas da l'Europa – uschia ils arguments dals deputads che han sustegnì René Epp. Cusseglier guvernativ Mario Cavigelli ha lura era confermà, che la regenza vegnia a sestentar per che la Porta Alpina possia vegnir realisada.
audio
Per tadlar: las novitads da las 18:00
ord Novitads dals 19.06.2020.
Maletg: RTR
laschar ir. Durada: 5 minutas 15 Secundas.