Siglir tar il cuntegn

Header

cuntegn

Incumbensa ord il parlament Assistenza da suicid en chasas da tgira duai vegnir pussaivel

Per persunas en chasas da tgira grischunas duai esser pussaivel en l'avegnir da survegnir assistenza al suicidi. Quai pretenda in'incumbensa ch'il Cussegl grond ha ussa surdà a la regenza.

Per cussedentas e cussedents en chasas da tgira en il Grischun n’èsi actualmain betg garantì ch’els survegnian assistenza da suicidi. Tut tenor ston quellas persunas bandunar la chasa da tgira – ed uschia er bandunar l'ambient ch’els enconuschan. Quai cuntrafetschia als dretgs umans.

Perquai pretenda ina incumbensa en il Cussegl grond che tut las chasas da tgira sustegnidas dal chantun duain pussibilitar il suicidi cun assistenza. L’incumbensa vegn dal deputà da Partida socialdemocratica, Pascal Pajic. Ella è vegnida surdada a la regenza.

Regenza vul stgaffir lescha correspundenta

La regenza ha uss communitgà, da vulair stgaffir in nov artitgel che porscha quella pussaivladad. La lescha chantunala duai resguardar las leschas svizras latiers.

Il Cussegl grond decida en ina da las proximas sessiuns, sch’el vul surdar l’incumbensa a la regenza.

audio
Per tadlar - curt e cumpact
00:54 min, RTR Audio dals 16.06.2021.
laschar ir. Durada: 00:54 minutas.

RTR novitads 11:30

Artitgels legids il pli savens

Scrollar a sanestra Scrollar a dretga