Siglir tar il cuntegn

Header

Il president da l’uniun sindicala, Paul Rechsteiner.
Legenda: Il president da l’uniun sindicala, Paul Rechsteiner. Keystone
cuntegn

Chantun «Inegualitad s’augmenta en Svizra»

Era en la chapitala grischuna è vegnì festivà l’emprim da matg. Envidà a la manifestaziun sin la plazza da teater a Cuira ha la partida socialdemocrata sco l’uniun sindicala.

Il president da l’uniun sindicala Paul Rechsteiner ha ditg en ses pled festiv, che l’inegualitad s’augmentia en Svizra, cun l’iniziativa per ina taglia sin l’ierta pudess ins dar cuntrapaisa ed el medem rinforzar la AVS.

L'artist Wolfram Frank ha disturbà la manifestaziun. El era vestgì sulet cun ina bandiera da la Cuba. Uschiglio èsi stà ruassaivel, ha confermà la polizia da la citad da Cuira.

Bloccà 200 demonstrants

En grond dumber ha la polizia para impedì en la citad da Turitg ina demonstraziun suenter las manifestaziuns uffizialas per l’emprim da matg. Sin la plazza Helvezia ha la polizia bloccà radund 200 demonstrants, silsuenter ha la gronda part dals demonstrants banduna la plazza, scrivan las agenturas da novitads. In tozzel demonstrants èn restads, mo la polizia n'ha betg lascha provocar.

Avant aveva bun 10'000 persunas demonstrà a moda paschaivla en la citad da Turitg cunter il dumping da paja, la guerra e la crisa. A Basilea han passa 1’000 persunas celebrà las festivitads da l'emprim da matg.

RR novitads 20:00

Artitgels legids il pli savens

Scrollar a sanestra Scrollar a dretga