Siglir tar il cuntegn

Header

Screenshot da la pagina d'internet.
Legenda: Il cataster RDPP è uss online. Screenshot, cataster RDPP.
cuntegn

Infurmaziuns online Tge dastg jau far cun mes terren?

Bunas novas per proprietaris e proprietarias da terren en il Grischun: Il cataster cun las restricziuns da dretg public da la proprietad è uss online ed uschia adina accessibel.

Sco quai ch'il chantun communitgescha, na ston proprietarias e proprietaris da terren uss betg pli contactar pliras autoritads per vegnir a savair, tge zonas d'utilisaziun u lingias da construcziun che valan per lur terren.

Tgi che posseda terren en Svizra na po numnadamain betg utilisar quel, sco quai ch'el vul. I ston vegnir observadas tschertas prescripziuns. Quai pon per exempel esser zonas d'utilisaziun, lingias da construcziun, zonas da protecziun da l'aua sutterrana, lieus contaminads u cunfins statics dal guaud. Quai èn restricziuns da dretg public da la proprietad (RDPP).

Electronic, gratuit ed actual

Il cataster RDPP è ina incumbensa cuminaivla da la Confederaziun e dal chantun. Actualmain cuntegna el 17 differentas restricziuns da dretg public da la proprietad dals secturs planisaziun dal territori, vias naziunalas, viafiers, plazzas aviaticas, lieus contaminads, protecziun da l'aua sutterrana, canera e guaud.

Il cataster RDPP datti per tut las vischnancas dal chantun Grischun. Las infurmaziuns vegnan uschia preschentadas dapertut tuttina, actualisadas permanentamain e messas a disposiziun gratuitamain. Il cataster online na remplazza dentant betg ils documents originals ch'èn giuridicamain liants.

audio
Per tadlar: Las novitads da las 12:00
05:21 min, RTR Audio dals 23.06.2021.
laschar ir. Durada: 05:21 minutas.

RTR novitads 09:00

Artitgels legids il pli savens

Scrollar a sanestra Scrollar a dretga