Siglir tar il cuntegn

Chantun Iniziants fan frunt a regenza grischuna

Il comité da l'iniziativa dal pievel per "Mo ina lingua estra en scola" sa tegn vinavant vi da l'iniziativa.

Iniziants da l'iniziativa "mo ina lingua estra en scola primara"
Legenda: Iniziants da l'iniziativa "mo ina lingua estra en scola primara” avant ch'inoltrar l'iniziativa il november passà. RTR, G. C. Candinas

L'expertisa ch'ils iniziants han laschà far d'in giurist vegn a la conclusiun che l'iniziativa na cuntrafetschia betg al dretg surordinà, il dretg federal u chantunal.

La regenza grischuna aveva decis da declerar l'iniziativa sco nunvalaivla perquai ch'ella cuntrafetschia al dretg federal. Plinavant disfavuriseschia l'iniziativa ils scolars da lingua rumantsch e taliana. Il cussegl grond vegn a tractar l'iniziativa en sia sessiun d'avrigl.

RR novitads 17:00