Quell’iniziativa na midia dentant nagut vi da l’introducziun dal plan d’instrucziun 21 en il Grischun l’avust 2018. Cler saja er gia ussa, ch’il suveran grischun possia pir decider davart l’iniziativa suenter ch’il plan d’instrucziun 21 è gia en vigur – quai pervia dal temp ch’ina iniziativa dovria avant da vegnir avant il pievel.
Per pudair abolir il plan d’instrucziun 21 duvrass quai en mintga cas anc in referendum dal pievel.
Pertge l’iniziativa dettia be la pussaivladad al pievel da pudair prender posiziun tar plans d’instrucziun.
Il plan d'instrucziun 21 è vegnì approvà il mars 2016 da la regenza grischuna e duess vegnir introducì l’avust 2018. Mez favrer avevan ils iniziants inoltrà passà 8’000 suttascripziuns per ch’il parlament ed il pievel hajan era in pled en chapitel tar talas impurtantas dumondas da la furmaziun en il chantun.
RR novitads 14:00