Ins saja trumpà che tant la regenza sco era il Cussegl grond n'hajan betg fatg ina cuntraproposta ed uschia mess la tematica da linguas en la dretga direcziun. I saja bun da sa concentrar sin ina lingua estra en scola primara.
Che l'englais saja da gronda muntada per l'economia na saja nagut da nov. Cunzunt represchentants da las linguas minoritaras han dentant exprimì dubis che scolaras e scolars rumantschs e talians vegnian dischavantagiads cun l'iniziativa.
RR novitads 12:00
