L'«InnoTren» è in vegl char dal Glacier Express ch'è vegnì transfurmà en ina stanza da sesida. A partir dal favrer pon ins reservar quel per sesidas u scolaziuns. La finamira è da pudair concepir ideas innovativas en in'autra atmosfera ch'en in biro.
audio
Saira: Inotren - far sesida durant l'ir cun tren da la Retica
ord Actualitad dals 31.01.2019.
laschar ir. Durada: 2 minutas 38 Secundas.
La stanza da sesida sin rodaglias è vegnida construida en collavuraziun cun la scola auta HTW Cuira e la firma d'innovaziun Zühlke. Perquai è il char era da reservar cun in moderatur da la HTW u da la Zühlke, che mainan tras la sesida e gidan da tschertgar novas ideas.
Bunamain en l'entir chantun sin via
L'«InnoTren» po vegnir reservà per bunamain tut ils trajects da la viafier. Sulet sin il traject dal Bernina na dastga il char betg charrar perquai ch'el è memia lung e sin il traject tranter Cuira ed Arosa.
RR actualitad 17:00