L'«InnoTren» è in vegl char dal Glacier Express ch'è vegnì transfurmà en ina stanza da sesida. A partir dal favrer pon ins reservar quel per sesidas u scolaziuns. La finamira è da pudair concepir ideas innovativas en in'autra atmosfera ch'en in biro.
La stanza da sesida sin rodaglias è vegnida construida en collavuraziun cun la scola auta HTW Cuira e la firma d'innovaziun Zühlke. Perquai è il char era da reservar cun in moderatur da la HTW u da la Zühlke, che mainan tras la sesida e gidan da tschertgar novas ideas.
Anfang Bildergalerie
Bildergalerie überspringen
-
Bild 1 von 4. Il char «InnoTren» è vegnì introducì cun il tarpun cotschen. Bildquelle: RTR, Anna Selina Quinter.
-
Bild 2 von 4. En il char chattan ins da tut ils meds per manar ina sesida. Bildquelle: RTR, Anna Selina Quinter.
-
Bild 3 von 4. Co l'«InnoTren» è endrizzà dependa da la sesida. Bildquelle: RTR, Anna Selina Quinter.
-
Bild 4 von 4. Las grondas fanestras na duajan betg distrair mabain inspirar. Bildquelle: RTR, Anna Selina Quinter.
Ende der Bildergalerie
Zurück zum Anfang der Bildergalerie.
Bunamain en l'entir chantun sin via
L'«InnoTren» po vegnir reservà per bunamain tut ils trajects da la viafier. Sulet sin il traject dal Bernina na dastga il char betg charrar perquai ch'el è memia lung e sin il traject tranter Cuira ed Arosa.
RR actualitad 17:00