Siglir tar il cuntegn

Header

video
Material da film istoric vegn digitalisà
Or da Telesguard dals 21.09.2020.
laschar ir
cuntegn

Institut Otalpin a Ftan 20 uras film davart la scola

La ierta culturala grischuna en tun e maletg crescha vinavant. Da nov ha, in e scadin, la pussaivladad da guardar 20 uras material da film da l'Institut Otalpin a Ftan.

20 uras film sin 58 rollas. Il mintgadi da la scola sur plirs decennis è documentà sin questas rollas. Da vesair èn il mintgadi en stanza da scola, il mangiar en l'internat, dentant er usits sco il «Schüschaiver» a Ftan. Plinavant datti er da vesair maletgs da l'onn da lavinas dal 1951.

Surtut las tradiziuns dal lieu èn documentadas e quellas mussan il svilup che la scola u era la societad han fatg sur ils decennis. Sulettamain tranter il 1949 ed il 1971 ha quai dà 58 rollas da film. Tut è vegnì documentà professiunalmain – e bler da quai accessibel a chasa.

In scolast ed ina scolara durant ina lecziun il 1960.
Legenda: In scolast ed ina scolara durant ina lecziun il 1960. MAD CHANTUN GR

Ils films èn vegnids filmads sin rollas da otg milimeters. La qualitad na saja betg adina optimala, di Christian Brassel da la biblioteca chantunala. Tuttina saja la collecziun da valitar sco stgazi.

Biblioteca chantunala

Tar la biblioteca chantunala dal Grischun datti actualmain 2'400 videos e 2'600 documents da tun. La tschertga d'ulteriurs scazis cuntinuescha.

RTR actualitad 17:00

Artitgels legids il pli savens

Scrollar a sanestra Scrollar a dretga