Interreg «Italia-Svizra» - GR sa participescha cun 3,36 miu

ll chantun Grischun vul intensivar la collavuraziun sur ils cunfins en il sid. Perquai sa participescha el cun var 3,36 milliuns francs al program Interreg «Italia-Svizra».

In bankin en las Dolomitas cun vesta sin las muntognas. Bild in Lightbox öffnen.

Legenda da maletgs: «Italia-Svizra» - verer sur ils cunfins grazia ad Interreg. Keystone

Il chantun dovria partenadis internaziunals ferms, scriva la Chanzlia chantunala en ina communicaziun. Il chantun saja interessà d'intensivar la collavuraziun cun l'Italia per sviluppar ils spazis economics da tuttas duas varts dal cunfin. Impurtanza particulara hajan las colliaziuns dal Grischun cun il Tirol dal sid e cun la provinza da Sondrio sco er cun lur territoris cunfinants han ina impurtanza particulara.

La fin da zercladur ha gì lieu a Milan in inscunter inizial nua che l'Italia ha infurmà ils purtaders da projects interessads. Da vart grischuna èn s’interessadas numerusas organisaziuns ed instituziuns – uschia la Chanzlia chantunala.

Il chantuns Tessin e Vallais fan era part a quest program d’Interreg. Fin mez settember pon ils interessads uss inoltrar ils emprims projects.

RR novitads 10:00