La collavuraziun tranter chantun e Confederaziun areguard ils inventaris naziunals dals biotops en il Grischun duai vegnir meglierada. Quai giavischa la regenza grischuna en in scriver a la cussegliera federala Simonetta Sommaruga.
Las discussiuns davart l’inventari duran gia dapi onns. Il chantun Grischun n’è betg cuntent cun la decisiun da la Confederaziun davart l’inventari federal dals biotops en Grischun. I manchia il dretg da purtar plant e la protecziun giuridica cura ch'i vegnan relaschads ils inventaris federals.