Siglir tar il cuntegn

Header

Robert Grossmann na sa anc betg sch'el dat la vusch ad in dals candidats.
Legenda: Robert Grossmann na sa anc betg sch'el dat la vusch ad in dals candidats. RTR, GIAN CARLO CANDINAS
cuntegn

Chantun «Jau na sai betg sch'jau dun la vusch ad in candidat»

Robert Grossmann (62) da Farschno dastga eleger il nov president american. El è creschids si a San Diego e posseda il pass american ed il pass svizzer. Ma, el è in zic tranter sutgas e bancs. Grossmann n'è betg cuntent cun Trump, dentant n'er betg cun Clinton.

Robert Grossmann n'è schon plirs onns betg stà en ils Stadis Uni da l’America. Ma sch’el auda ils nums Donald Trump e Hillary Clinton, sche lura è el trumpà ed era vilà che l’America n'è betg stada abla da preschentar dus candidats da vaglia.

Jau hai absolutamain nagina fidanza en quest dus candidats.
Autur: Robert GrossmannSustegn nagins dals candidats

Nagina simpatia per omadus candidats

Il republican Donald Trump saja ina persuna uschè extrema e conservativa. Uschè ina persuna na dastga vegnir president, di Robert Grossmann. In exempel saja il mir che Trump less bajegiar sin ils cunfins cun il Mexico.

Ma era la democrata Hillary Clinton na persvada insumma betg il scolast da musica. Era lezza haja gia procurà per scandals. Per exempel, il scandal dad e-mails. Clinton haja mai propi raquintà la vardad en chaussa.

Ina chaussa che disturba Robert Grossmann vid omadus candidats è la vegliadetgna Clinton ha 68 onns e Trump 70 onns. Optimal fissi in candidat enturn ils 50. Las pretensiuns tar quest post sajan uschè autas e chaschunan bler stress. E cun bun 70 onns na sajan ins pli adattà per il post sco president dils Stadis Uni.

Robert Grossmann

  • 62 onns
  • Viva dapi var 30 onns en Svizra
  • Creschì si a San Diego (California)
  • Scolast da musica
  • N'è gia plirs onns betg stà en ils Stadis Unids.

Dapli da Grischunavrir la Landingpage

Nach links scrollen Nach rechts scrollen