Chantun - «Jau na vess mai pensà che Airbnb giaja uschè bain»
Airbnb è in – schebain sin nivel svizzer sco er en il Grischun. Pli e pli bleras chombras, abitaziuns e chasas vegnan offridas a giasts sin la plattafurma digitala. Uschia offrescha er Nadine Blumenthal dapi in onn e mez ina part da sia abitaziun a Cuira West sin Airbnb.
Dapi l'october 2017 scrivan Nadine Blumenthal e ses ami or ina chombra da lur abitaziun a Cuira–Vest sin Airbnb. 2018 han els savì beneventar 166 giasts da 28 differentas terras – quai èn pli che trais ad emna. Per il solit stattan ils giasts ina notg e vegnan en dus.
1 / 3
Legenda:
Tar la chombra s'auda in letg dubel, ina televisiun, in canapé ed ina pitschna cumoda cun té e café.
RTR, Pietro Jacomet
2 / 3
Legenda:
Per il solit vegnan ils giasts en dus, dentant datti er situaziuns nua ch'insatgi vegn persul a star sur notg.
RTR, Pietro Jacomet
3 / 3
Legenda:
Nadine Blumenthal en la chombra ch'ella offrescha sin Airbnb.
RTR, Pietro Jacomet
Airbnb saja ina chaussa lucrativa, di Nadine Blumenthal. L'entschatta hajan els anc betg gì schi bleras dumondas. Cunquai che las criticas sajan dentant stadas bunas èn adina pli blers s'interessads per lur chombra. La dunna da trent'onns è bain in zichel surstada con bain che Airbnb marscha.
Sco las cifras mussan, vegn Airbnb en general pli e pli popular el Grischun:
Custs en media per object (chasa/abitaziun/chombra): 216.-
Fontana: Observatori turistic a Sierre VS (stand: fin schaner 2018)
Airbnb è mo ina plattafurma da bleras
Era «Casamundo», «Booking.com», «TripAdvisor» u «E-Domizil» intermedieschan chombras, abitaziuns e chasas. Ils objects che vegnan scrits or en nossas regiuns muntagnardas èn cunzunt chasas da vacanzas e betg chombras en abitaziuns (sulettamain 12% da tut ils objects).
