Siglir tar il cuntegn

Header

cuntegn

Chantun "Jau sun in Alphatier"

Batist Spinatsch è il nov schef da la cussegliaziun purila al Plantahof. El ha surpiglià quest post il prim da fanadur da Curdin Foppa ch'è ì en pensiun. Spinatsch daventa cunquai era commember da la direcziun dal Plantahof.

audio
Bunura: Batist Spinatsch – las sfidas sco successur da Curdin Foppa
ord Actualitad dals 02.07.2015.
laschar ir. Durada: 2 minutas 54 Secundas.

Batist Spinatsch ha gia enfin ussa fatg part dal team da cussegliaziun al Plantahof. Dapi l'onn 2007 era el responsabel per la cussegliaziun en connex cun la planticultura. Cussegliader puril è el dentant gia dapi 18 onns. L'emprim di da lavur n'era damai betg tut nov ed il biro mida el era pir en il decurs da la stad, ha el ditg envers RTR.

Nova posiziun en il team

La gronda sfida per l'um da 44 onns da Savognin vegn perquai ad esser la nova posiziun en il team. Dad esser il schef dad in team pli grond e da chattar ina buna moda da manar quest. Dubis che quai na pudess betg gartegiar n'ha Spinatsch dentant betg. El maini gugent ed haja survegnì gia divers resuns positivs sin sia moda da manar.

In'autra sfida è e resta per il mument la politica agrara 2014-2017. Là vai per metter enturn quella sin ils bains purils grischuns ed era gia da chattar soluziuns per emprims midaments ch'i dat.

Batist Spinatsch è era politicamain activ, el è il vice-president da la vischnanca da Savognin.

Artitgels legids il pli savens