Il project vegn a custar bundant quatter milliuns francs. In milliun vegn finanzià dal chantun. Quai en il rom da la politica agrara e la promoziun da l'agricultura.
En il nov center duai dar ina butia per vender ils products regiunals sco er in bistro. Sper quai datti er plazza per la producziun. Per exempel ina setgentaria per fritga.
Per la construcziun da l'edifizi vegn duvrada laina da la regiun. Era la platta da betun è fatga cun materia prima che deriva da la val. Uschia veglian ins promover la regiunalitad e far attent sin l'auta qualitad dals products indigens.