Siglir tar il cuntegn
Inhalt

Chantun Johannes Flury resta al timun da LR

Johannes Flury daventa president regular da la Lia Rumantscha e resta cunquai al timun. La radunanza da delegads da la Lia Rumantscha ha elegì el cun gronda maioritad sco president.

Legende: Video Elecziuns da Lia Rumantscha abspielen. Laufzeit 01:57 Minuten.
Or da Actualitad video dals 28.10.2018.

Ils proxims trais onns vegnan ad esser la davosa legislatura da Johannes Flury. L'auter onn cumplenescha el ses 70avel e cuntanscha uschia la vegliadetgna maximala. Uschia dovra quai en trais onns ina nova candidata u in nov candidat per il presidi da la Lia Rumantscha.

Avant trais onns era l'elecziun da Johannes Flury anc stada dispitaivla. Critica avevi cunzunt dà perquai che Flury - ch'è dal Partenz - n'è betg in «endretg» rumantsch. Questa giada ha el dentant survegnì il sustegn da la gronda maioritad dals 51 delegads ch'èn stads preschents a Glion.

Ultra da quai han las delegadas ed ils delegads elegì Roman Pfister en la suprastanza. Pfister è commember da l'Uniun dals Rumantschs en la Bassa. El succeda a Jon Carl Tall.

RR novitads 12:00