En il focus stettia il barat cun ils purtaders, las direcziuns ed ils scolasts da las scolas professiunalas, scriva il chantun. Cun sias visitas vul il president actual da la regenza grischuna dentant er emprender d'enconuscher las particularitads e sfidas regiunalas.
Ina buna furmaziun professiunala saja impurtanta per il Grischun, scriva il chantun. Mo uschia possian emprendists lavurar sco persunal qualifitgà en l’economia suenter lur furmaziun.
Las scolas che Jon Domenic Parolini visita èn repartidas en tut las regiuns e cumpiglian tut ils tips da scola – da la scola primara al gimnasi fin a scolas da professiun. La tura ha gia cumenzà avant duas emnas cun ina visita en Val Poschiavo.
RR novitads 11:00
