Siglir tar il cuntegn

Header

Navigaziun

Legenda: Guardar il video PS grischuna attatgescha ils sezs dad Engler e Schmid. Durada 02:00 minutas.
Or da Telesguard dals 14.01.2019.
cuntegn

Chantun Jon Pult candidescha per omaduas chombras

A las elecziuns naziunalas l'october quest onn candidescha l'anteriur president da la PS grischuna per il Cussegl naziunal sco er per il Cussegl dals chantuns. Sco quai che la PS communitgescha saja quai ina premiera en il Grischun. Anc mai haja dà ina candidatura per omaduas chombras.

La partida argumentescha quest novum cun l'exempel ord auters chantuns. Ils exempels da Paul Rechsteiner en il chantun Son Gagl sco era da Daniel Jositsch en il chantun Turitg mussian che la strategia po avair success. Vitiers duai la candidatura da Pult er purtar ina «vaira» elecziun per la chombra pitschna.

En emprima lingia duai Jon Pult dentant defender il sez da Silva Semadeni che na candidescha betg pli. Sco quai che la partida scriva haja Pult survegnì il 2015 fitg bleras vuschs, el saja trilings e represchentia la generaziun giuvna.

Glista cun dapli dunnas

Ensemen cun Jon Pult sin la glista dal Cussegl naziunal èn trais dunnas, Sandra Locher Benguerel, Franziska Preisig, Erika Cahenzli-Philipp ed il president da partida Philipp Wilhelm.

RR novitads 11:00