Il co-president da la giuventegna socialista dal Grischun la Juso, Pascal Pajic, ha annunzià da sa retrair da ses post a la radunanza annuala mez mars. El veglia far plaz a novas forzas.
Pajic aveva surpiglià avant 3 onns il co-presidi da la Juso Grischun da Hanna Bay. Segunda presidenta è actualmain Ewa Bender.
Pascal Pajic restia vinavant activ en la politica, sco la Juso Grischun communitgescha. Il december passà è el vegnì elegì en la direcziun da la Juso Svizra. Vitiers vul el dapli temp per ses studi da medischina a l’universitad Friburg.
