JUSO vul dretg da vuschar per esters en l'entir chantun

Ils Giuvens socialists grischuns han lantschà in'iniziativa per introducir en l’entir chantun il dretg da vuschar per ils esters. Persunas ch’han ina permissiun da domicil e che vivan dapi 5 onns en il Grischun duain pudair vuschar ed eleger.

Local da vuschar. Bild in Lightbox öffnen.

Legenda da maletgs: Era esters duajan tenor la JUSO grischuna survegnir il dretg da decider. Keystone

Sco che la JUSO grischuna scriva ha mintga persuna che paja taglias il dretg da cundecider tge che capita cun ils daners da taglia. Plinavant vul la JUSO cun quest'iniziativa promover l'integraziun. Da quest'iniziativa profitassan per il mument var 17'000 esters che vivan en il Grischun.

L'iniziativa s'orientescha vid ils chantuns Giura e Neuschatel sco era vid differentas vischnancas en il Grischun ch'han gia fatg bunas experientschas cun il dretg da vuschar per esters.