Siglir tar il cuntegn

Header

video
«Krüz und Queer» – uschia sa numna il motto da la Khur Pride
Or da Telesguard dals 25.06.2021.
laschar ir. Durada: 3 minutas 26 Secundas.
cuntegn

Khur Pride Sch'in capricorn ed in urs procuran per dapli toleranza

En il rom da la «Khur Pride – krüz und queer» ha la band rumantscha «DUS» tegnì ina prelecziun musicala da ses cudesch d'uffants «Giugiu e Roro». In cudesch che sa tracta d'acceptanza e toleranza.

«DUS» – ina band che consista dal Bernais David Friedli ed il Sursilvan Gino Carigiet. Ensemen han els scrit in cudesch d'uffants biling cun il num «Giugiu e Roro». Giugiu è in capricorn-albino e perquai ch'el guarda or auter ch'ils auters capricorns vegn el exclus dad els. El sa senta auter.

Il cudesch è in cudesch cun elements autobiografics dals dus musicists. Gino Carigiet è pli baud numnadamain er sa sentì fitg auter cun esser omosexual en ina societad ch'ha da lez temp betg discurrì fitg avertamain davart tals temas. Per ch'ils uffants n'hajan ozendi betg da cumbatter ils medems cumbats sco el – sch'els sa sentan auter – han el e David Friedli scrit in cudesch d'uffants cun exact quel messadi: Ch'igl è en urden dad esser auter – che quai po schizunt esser insatge positiv.

En il rom da l'emprima ediziun da la «Khur Pride» han els prelegì lur cudesch en furma musicala en la biblioteca da la citad da Cuira.

RTR Telesguard 17:40

Artitgels legids il pli savens