Siglir tar il cuntegn

Header

audio
Problems da firmas pitschnas e mesaunas (exempel Kohma)
Or da Actualitad dals 01.04.2020.
laschar ir. Durada: 03:36 minutas.
cuntegn

KMUs en temp da corona L'agid da chantun e Confederaziun è svelt e bun

Pervi dal coronavirus èn bleras fatschentas serradas, ils custs fixs curran dentant vinavant. Quai è in grond problem per KMUs, pia interpresas pitschnas u mesaunas. Per che l’economia na pateschia betg pon fatschentas dumandar per lavur curta u era per credits senza tschains.

La KOHMA a Cuira venda guaffens e products tecnics ed ella porscha era in servetschs da pinar u remplazzar uders. Pervi dal coronavirus è la butia serrada, vendì vegn per telefon u online. Il servetsch d’uders è restrenschì. La vendita saja pli pitschna, di Corsin Demarmels, manader da fatschenta.

La glieud è fitg malsegira. Ins na sa betg co i va vinavant, persunalmain u era en fatschenta. Perquai ha la glieud retegnientschas da far cumpras.
Autur: Corsin Demarmelsmanader da fatschenta

7 dals 8 emploiads fan lavur curta. Annunziar quella na saja betg stà grev. Ma malgrà lavur curta ha Corsin Demarmels era stuì dumandar la Confederaziun per in credit. Per l’ina pervi da guaffens e maschinas en reserva, en cas ch’ils cunfins vegnissan serrads per tals products, per l’autra perquai ch’els hajan survegnì ina gronda lavur che pretendia investiziuns. Entaifer in’ura ha Demarmels gì il credit.

Ins n’è betg disà da survegnir in credit uschè simpel. Quai credit è in levgiament, grazia da quel èn las proximas emnas pli simplas per nus.
Autur: Corsin Demarmelsmanader da fatschenta

Il sustegn da la Confederaziun e dal chantun saja fitg bun en quest temp da crisa. L’agid saja nunbirocratic e svelt.

RTR actualitad 08:00

Artitgels legids il pli savens

Scrollar a sanestra Scrollar a dretga