Siglir tar il cuntegn
Inhalt

Chantun L'agricultura generescha entradas per il turissem grischun

Il chantun Grischun fa ina bilantscha positiva da ses engaschament per l'agroturissem. Il chantun figurescha sin ina da las primas posiziuns en Svizra.

Lamas en ina retscha.
Legenda: Er la purschida da trekking cun animals è ina nischa pussaivla per ils purs e las puras. RTR, R. Duschletta

Suenter 4 onns ch'il project "agroturissem dal Grischun" è vegnì lantschà figureschia il chantun gia sin ina da las primas posiziuns en Svizra, quai communitgescha il departament d'economia.grischun. En il Grischun datti entant passa 130 purschidas d'agroturissem u pussaivladads da pernottar sin bains purils. Vinavant vegn offert 18 aventuras da treking cun animals u er 7 pitschnas ustarias sin bains purils. La buna collavuraziun cun l'organisaziun da marketing Grischun vacanzas ha producì sinergias, scirva la regenza. Er ils purschiders valiteschian l'agroturissem sco nischa attractiva. Passa 10% da lur entradas derivan ord la questa sparta.

RR novitads 11:00