Siglir tar il cuntegn

Header

Per Lucretia Jacomet èsi clar: Sia vusch va a Hillary Clinton. Ella na ha anc mai elegi in republican.
Legenda: Per Lucretia Jacomet èsi clar: Sia vusch va a Hillary Clinton. Ella n'ha anc mai elegì in republican. MAD
cuntegn

Chantun L'Americana da Surrein dat la vusch a Hillary Clinton

Il pli gugent avess Lucretia Jacomet vesì Bernie Sanders sco candidat dals democrats. Hillary Clinton saja dentant era ina buna candidata. Uschia spera la mamma da dus uffants che Clinton sa mettia atras encunter il republican Donald Trump.

In fan da Hillary Clinton n'è Lucretia Jacomet betg. A la mamma da 47 onns plascha dentant vid Clinton, ch’ella stettia tar ses sbagls. Tar l’affera dad e-mails haja ella concedì, ch’ella haja fatg sbagls.

Quai mussa er grondezza, sch’ins dat tiers ch’ins ha fatg fauss tschertas chaussas.

Cun Donald Trump na po ella entschaiver nagut. «Ditg simpel è Trump in rassist.» Insumma ha Lucretia Jacomet, che vegn numnada d’enconuschents «Lu», anc mai dà la vusch ad in candidat republican.

Las elecziuns èn era tema en famiglia cun ils uffants

Lucretia Jacomet è mamma da dus uffants da scola. A chasa a Surrein è l’elecziun dil president american adina puspè tema. Perfin ils uffants percorschian che Donald Trump fa chaussas che na sajan betg responsablas.

Malgrà ch'ella n'è schon plirs onns betg pli stada en ils Stadis Unids, ha ella tuttina anc bler contact via telefon u via social media. Spezialmain cun la mamma che viva anc adina en la California. Ma era cun collegas. Cun las collegas na discurra ella dentant mai davart las elecziuns.

Cun las collegas na discur jau mai davart las elecziuns, quai è ina chaussa privata.
Autur: Lucretia JacometÈ creschida si a San Francisco e San Diego

Cunquai ch’ellas na sajan adina dal medem maini, savessi quai periclitar l’amicizia.

RR actualitad 08:00

Lucretia «Lu» Jacomet

  • 47 onns
  • Sco buoba immigrada en ils Stadis Unids
  • Creschida si a San Francisco e San Diego
  • Dapi il 1992 puspè en Svizra
  • N'è gia plirs onns betg stada en ils Stadis Unids

Dapli da Grischunavrir la Landingpage

Nach links scrollen Nach rechts scrollen