Siglir tar il cuntegn

Header

video
L’archiv da la citad da Cuira è en in stadi desolat
Or da Telesguard dals 17.05.2017.
laschar ir. Durada: 2 minutas 51 Secundas.
cuntegn

Chantun L'archiv da Cuira ha problems

La citad da Cuira ha archivà millis da documents, ed ha atgnamain bler plaz. La situaziun è dentant pauc satisfaschanta per ils archivars, perquai che l'archiv è reparti sin plirs magazins en pliras auzadas ed er en stanzas pauc idealas per in archiv.

L'archiv da Cuira archivescha dal tut. A partir dad actas penalas fin tar protocols da las sesidas dal cussegl da la citad. Cler che quai dovra ina massa plaz. Quel manca dentant en l'archiv da Cuira. Tut è fitg stretg e las localitads n'èn betg construidas per in archiv.

Spatitschà en l'entir bajetg

Il segund grond problem è che las stanzas per archivar èn spatitschadas en plirs lieus en la chasa da la citad. Ils archivars ston per part schizunt bandunar il bajetg, per vegnir en in'autra part dal bajetg. Quai munta ch'ils viadis èn lungs, e per ils documents n'èn quels viadis ora en il fraid betg ideals. Quai po far donn.

audio
Saira: L’archiv da Cuira dovra urgentamain in nov suttetg
ord Actualitad dals 17.05.2017.
laschar ir. Durada: 2 minutas 23 Secundas.

Bischens d'aua che mainan tras ils archivs

Il terz grond problem èn ils bischens d'aua che mainan per part tras las stanzas d'archiv. Perquai han ins stuì construir tetgs sur las curunas. Sch'in bischen avess da rumper, lura culass l'aua sin quels tetgs e sper las curunas giu. Ideal n'è quai dentant insumma betg.

RR actualitad 17:00

Artitgels legids il pli savens