Siglir tar il cuntegn

Header

cuntegn

Chantun L’augment da paja dependa dal budget dal chantun

Il Cussegl grond ha revidì oz parzialmain la lescha da persunal per emploiads dal chantun. In tema central èn stadas las pajas. Da nov decida il Cussegl grond da onn tar onn en il rom dal budget per quant che quellas pon vegnir auzadas.

audio
Bunura: Lescha da persunal
ord Actualitad dals 01.09.2016.
laschar ir. Durada: 3 minutas 35 Secundas.

Enfin uss è la summa totala per auzaments da paja dals emploiads dal chantun creschida mintg'onn per 1%. Quai na vul betg dir che mintga emploià ha survegnì mintga onn 1% dapli paja, mabain la summa totala è creschida ed ils daners èn lura vegnids repartids sin tut ils emploiads. «Quels daners èn cunzunt ids als emploiads giuvens, ils vegls n'han betg pli in auzament cura ch’els èn sin il maximum da la paja», di Barbara Janom Steiner, la ministra da finanzas durant la debatta. Quai automatissem è uss dentant passé. Mintg'onn decida il Cussegl grond da nov e sin fundament da las finanzas e dal budget sco er da la situaziun economica e da la cumpetitivitad dal chantun quant aut che quai auzament duai esser – sche insumma.

Babs pon star pli ditg a chasa

Ils blers babs prendian uschia ni uschia vacanzas cura ch’il pop naschia, di la deputada dal Cussegl grond da la PLD, Vera Stiffler. Dentant da nov na ston els betg prender pli tantas vacanzas. Ils deputads e las deputadas han prolungì il congedi da paternitad dals emploiads dal chantun da 3 sin 5 dis. E betg mo per la naschientscha, er per l’adopziun d'in uffant valia il medem.

RR novitads 18:00

Artitgels legids il pli savens