La regenza grischuna scriva ch'i sajan cuntents da pudair communitgar che l'AutoDaPosta SA haja restituì ils daners. En tut ha il chantun survegnì 17 milliuns francs inclusiv tschains. Ulteriurs 6,4 milliuns ha l'AutoDaPosta SA pajà a las vischnancas e regiuns pertutgadas dal Grischun. Tut las vischnancas cun il dretg da survegnir daners, hajan survegnì lur cumpart entaifer il termin. Cun quai saja il cas definitivamain liquidà per la regenza.
RR novitads 09:00
Cuntrasts dals 27.03.2019
Tranter festa e tempesta
Il 15 da zercladur 1919 èn partids ils emprims dus Cars alpins da Reichenau en direcziun da Flem. 100 onns pli tard, en l’onn da giubileum, passenta l’interpresa AutoDaPosta dentant ina brava tempesta cun scandal da subvenziuns ed a Cuira l’incendi da la garascha da posta.