Siglir tar il cuntegn
Inhalt

Chantun L'avegnir èn ils centers da las valladas

Ils centers en las valladas vegnan tenor il studi dal Forum economic dal Grischun pli impurtants. Quest trend duai cuntinuar, ils vitgs pli pitschens vegnan dentant a vegnir anc pli pitschens e perder vinavant prestaziuns da servetsch. Ils deputads da las regiuns n'èn betg cuntents cun quai.

Ils vitgs (qua Zorten) en las valladas han savens da sbatter cun problems sco la depopulaziun.
Legenda: Ils vitgs (qua Zorten) en las valladas han savens da sbatter cun problems sco la depopulaziun. RTR

En il studi vegnan ils auturs a la conclusiun che vitgs pli pitschens en las valladas vegnian a vegnir anc pli pitschens, vegnan a perder vinavant prestaziuns da servetsch e che intgins daventian «aclas modernas».

Ils deputads da las differentas regiuns, Kevin Brunold (PCD, Surselva), Enrico Kienz (PLD, Engiadina Bassa) e Walter Grass (PBD, Urmein/Tusaun) èn tuts era da l'opiniun che las regiuns dovrian ferms centers. Betg d'accord n'èn els dentant cun la tesa ch'ils vitgs pli pitschens en las regiuns vegnian vinavant a perder impurtanza e che quai saja d'acceptar.

Era Jon Domenic Parolini betg d'accord

Sco ils deputads dumandads, è era il cusseglier guvernativ Jon Domenic Parolini persvadì ch'i dovra ferms centers en la regiun. Ma era el è da l'opiniun ch'ils vitgs duain exister vinavant. Il chantun haja era l'obligaziun da porscher vias per il traffic mobil e colliaziuns da traffic public. Parolini dubita ch'i saja la dretga via da simplamain acceptar che quels vitgs perdan pli e pli impurtanza.

RR actualitad 12:00