Siglir tar il cuntegn

Chantun L'emprima 'Raetia Publica' è online

Il Grischun ha in nov magazin online. Uss è cumparida l'emprima ediziun. Il magazin veglia tranter auter lantschar discussiuns davart temas actuals che sa tiran a la lunga.

Legende: Video L'emprima 'Raetia Publica' è online abspielen. Laufzeit 2:16 Minuten.
Or da Telesguard dals 23.11.2016.

'Raetia Publica' saja er ina plattafurma per surlavurar dumondas politicas, culturalas, sozialas, religiusas ed economicas. I giaja per rapportar davart sfidas e problems dal chantun Grischun che na chattan betg avunda plazza en las medias quotidianas. Il project è concepì per quatter onns. Mintga dus mais duai cumparair in artitgel principal. L'emprim artitgel, il link avra en ina nova fanestra tracta il tema «abitaziuns secundaras».

Cun agid da sponsurs privats

Iniziants da quest magazin èn: Johannes Flury, president da la Pro Raetia ch'è l'uniun purtadra da la redacziun, Sabrina Bundi, schurnalista tar RTR, Marius Risi, manader da l'institut per la perscrutaziun da cultura en il Grischun e Curdin Albin, graficher e schurnalist online tar RTR. Ils iniziants lavuran senza sustegn. Il start è vegnì pussibilità da sponsurs privats.


RR actualitad 17:00