Siglir tar il cuntegn

Header

Video
Record da naiv en la Val Müstair
Or da me_meteo dals 17.11.2019.
laschar ir
cuntegn

L'enviern è arrivà Record da naiv en la Val Müstair

Durant il mais da november n'hai anc mai dà uschè blera naiv a Sta. Maria en Val Müstair sco la notg passada, en tut 71 centimeters. La blera naiv ha en Engiadina chaschunà interrupziuns dal traffic public.

Sco SRF Meteo ha annunzià, avevi l'onn 1959 dà 65 centimeters naiv nova il november a Sta. Maria. Era blera naiv nova hai dà la notg passada tranter Puntraschigna ed il Puschlav.

Lingia dal Bernina puspe averta

La lingia dal Bernina da la Viafier retica è stada serrada tranter Pontresina e Poschiavo pervi da las navadas. Entant curseschan ils trens puspè tenor urari.

Il glindesdi a bun'ura è stada serrada fin las 09:00 er la lingia da viafier tranter Zernez e Cinuos-chel/Brail. Entant curseschan ils trens da la Viafier retica puspè tenor urari.

Divers pass serrads

Serrads per motivs da segirezza èn il

  • Pass dal Flüela,
  • Pass da l'Alvra,
  • Pass dal Lucmagn e
  • Forcola di Livigno.

Cuvertas cun naiv èn las vias en l'Engiadina, en Val Müstair e da Vinadi a Samignun. Cun naiv sin via èsi era da far quint sin inqual via dal Grischun central e dal Grischun dal Nord.

Privel da lavinas

En Grischun vala per gronda part in privel da lavinas considerabel – stgalim 3. Sulet en il Partenz e da la vart sanestra dal Rain è il privel sulet moderà.

RTR novitads 16:00