Siglir tar il cuntegn

Header

Domenic Gross durant il pled da cumià dal president dal Cussegl grond.
Legenda: Domenic Gross (en pe) durant il pled da cumià dal president dal Cussegl grond. Chantun GR
cuntegn

L'um davos las culissas va Domenic Gross di «a bun ans vair»

Cun in lung applaus e cun standing ovations han deputadas e deputads prendì cumià da Domenic Gross, che ha manà 17 onns il secretariat dal Cussegl grond. Per ina giada è il Jauer stà en il center.

Domenic Gross è normalmain l'um davos las culissas – quel che prepara ed organisescha las sessiuns ensemen cun ses team. Perquai saja quai stà in mument da pel giaglina da tuttenina star sin tribuna, ha el ditg a RTR.

«Mic» – la bun'olma davos las culissas

Enconuschent è Domenic Gross quasi be sco «Mic». L'um oriund da la Val Müstair è stà durant 17 onns la persuna che n'ha betg mo organisà las sessiuns, mabain ch'è savens era sa gidà tar ina u l'autra dumonda da deputadas e deputads. Sco giurist haja el natiralmain era gì da cussegliar las cumissiuns che preparan las fatschentas avant ch'il Cussegl grond tracta mintgamai quellas.

A bun ans vair, arriverderci und auf Wiedersehen!
Autur: Domenic GrossDapi 19 dis pensiunà

Dapi la fin da matg è il Jauer uss en pensiun. Propi realisà quai n'haja el dentant anc betg, ha el accentuà en ses pled da cumià. E dal tut davent da la truscha politica n'è Domenic Gross betg: El vegn vinavant ad accumpagnar la lavur da duas cumissiuns dal Cussegl grond. Ses successur sco manader dal secretariat dal Cussegl grond è Patrick Barandun.

RTR actualitad 08:00

Artitgels legids il pli savens

Scrollar a sanestra Scrollar a dretga