Siglir tar il cuntegn

Header

In plazzal da baghegiar cun palancaus cotschen-alvs.
Legenda: Il squitsch tranter ils impressaris è creschì. RTR/F. Cajochen
cuntegn

Chantun La branscha da construcziun grischuna sa revegn

L'emprim mez onn dal 2016 hajan ils impressaris grischuns nudà 15,7% dapli entradas d'incumbensas che l'onn avant, scriva l'Uniun grischuna dals impressaris. L'augment d'incumbensas sa mussia en tut las spartas.

L'activitad da construcziun ha mess tiers per 4,8% cumpareglià cun l'onn passà. Tant las entradas d'incumbensas sco era las reservas d'incumbensas porschian als impressaris perspectivas interessantas. Cun quellas haja la branscha avunda lavur era il segund semester da quest onn. Ils impressaris avessan dentant gugent anc dapli incumbensas da construcziun auta.

Il squitsch tranter las fatschentas è creschì damai che tschertas fatschentas han schlargià lur territori da lavur ed èn s'averts per novas spartas da la branscha.

cdm/li