Siglir tar il cuntegn

Header

cuntegn

Chantun La campagna da prevenziun «stayin-alive.ch» cuntinuescha

L'element central da quest onn da la campagna èn puspè ils curs d'ir cun moto che vegnan accumpagnads da la polizia.

La campagna da prevenziun per töffists en il Grischun «staying-alive.ch» u star en vita va en la terza runda. Punct central da quest onn èn danovamain curs per töffists che vegnan puspè purschids dal center per la segirezza stradala DrivingGraubünden. Quai scriva la polizia en la communicaziun.

Acziun da placats sin las vias principalas

Per far attent sin ils privels da l'ir cun töff vegnan plinavant montads placats da prevenziun perlung las vias principalas grischunas. Quels sa drizzan però a tut ils participants dal traffic. Parolas sco «Tritt lieber die Bremse, statt auf den Asphalt zu schlagen», «Sei eine Spassbremse, wenn's drauf ankommt» u «Liebe dein Leben, statt mit dem Tod zu flirten» rendan attent al tema serius a moda umoristica.

Che l'ir cun moto en il chantun Grischun è ina sfida per manischunzas e manischunzs, mussa il lev augment dals accidents da moto da l'onn passà. Sis motociclistas e motociclists èn morts sin las vias dal Grischun.

RR novitads 12:00

Artitgels legids il pli savens