Siglir tar il cuntegn

Header

cuntegn

Chantun La direcziun da Grischun vacanzas è cumpletta

Orlando Bergamin e Clemens Bartlome cumpletteschan la squadra da direcziun da Grischun vacanzas.

La suprastanza da l'organisaziun turistica grischuna ha elegì dus commembers novs en il gremi. Igl è dus Grischuns. Orlando Bergamin è oriund da Lai e stat a Domat. El lavura gia dapi set onns tar Grischun vacanzas e maina davent da l'emprim d'october 2016 la nova partiziun dal Shared Services. Clemens Bartlome cumenza da nov, sco manader dal marketing da products ed aventura. Er quai è ina nova partiziun che cumpiglia tranter auter il marketing da segment ed il marketing digital. Bartlome ha lavurà ils ultims 5 onns en l'agentura da marketing Davies Meyer ch'el ha confundà, sco er per l'agentura Henkel Germany. El cumenza ses nov post l'emprim da december.

RR novitads 14:00

Artitgels legids il pli savens