Siglir tar il cuntegn

Header

video
Regiuns duain pajar dapli per scolas da chant e da musica
Or da Telesguard dals 17.11.2016.
laschar ir. Durada: 2 minutas 32 Secundas.
cuntegn

Chantun La lavur da lobby cumenza

La regenza ha preschentà sia missiva tar la revisiun totala da la lescha per promover la cultura. Ils exponents da la cultura che n'èn betg dal tut d'accord cun la missiva cumenzan cun la lavur da lobby.

Dapi la gievgia èn enconuschents ils details dal messadi per la nova lescha per la promoziun da la cultura. E las emprimas reacziuns dals exponents da differentas branschas da la cultura èn detg bunas, dentant…

audio
Saira: Las reacziuns sin la nova lescha da cultura
ord Actualitad dals 18.11.2016.
laschar ir. Durada: 2 minutas 55 Secundas.

Quei che la lescha haja manchentà saja – per exempel tenor Nikolaus Schmid, l'actur da film e teater e president da l'ACT, l'uniun per teatrists libers dal Grischun, sco er per la directura dal teater da Cuira Ute Haferburg – da far centers da cultura regiunals. L'intendant dal festival cultural Giovanni Netzer è da l'opiniun, che la lescha avess stuì far meglras cundiziuns per che la cultura survegnia dapli daners da promoziun. Cunquai ch'il Cussegl grond ha cun debattar sur da la nova lescha il favrer 2017 il davos plaid en chaussa, èn ils exponents per part gia samess en posiziun per far lavur da lobbying.

Nikolaus Schmid ha gia fundà ina gruppa cun commembers da differentas uniuns culturalas, profis e laics, che vegnan uss ad elavurar in palpiri cun in giavisch communabel per mauns dals deputads dal Cussegl grond.

Il messadi è pront

Tar sia revisiun n’haja ella betg mo resguardà la dumonda da «posiziunar nov la promoziun chantunala da la cultura», mabain era las ulteriuras incumbensas ch’èn resultadas dal Grond Cussegl e da la refurma da territori, scriva ella en ina communicaziun.

audio
Mezdi: Revisiun lescha per promoziun da cultura – la missiva
ord Actualitad dals 17.11.2016.
laschar ir. Durada: 3 minutas 32 Secundas.

Vegl en il sboz: Quai ch’è sa cumprovà enfin uss

Tant la lescha per promover la cultura (en vigur dapi il 28-09-1997) e l’ordinaziun tiers (dapi il 12-01-1998) sajan sa cumprovadas en blers secturs, scriva la regenza en sia communicaziun a las medias. Perquai sajan intginas regulaziuns vegnidas surpigliadas en il sboz nov.

audio
Saira: Tge sa mida per cultura professiunala cun la nova lescha per promoziun da cultura?
ord Actualitad dals 17.11.2016.
laschar ir. Durada: 3 minutas 28 Secundas.

Nov en il sboz: Sustegn da lavur culturala professiunala

Explicitamain nov saja tenor la regenza da vulair integrar il sustegn da la lavur culturala professiunala en las finamiras da la lescha. En pli vul la regenza obligar las regiuns da metter a disposiziun ina purschida cumplessiva da scolas da chant e da musica. Quai vul dir: per las regiuns e per il chantun dat quai custs supplementars da 410 000 francs (per las regiuns) e 550 000 (per las vischnancas). Dal rest n'è betg prevì che la lescha chaschuna dapli contribuziuns finanzialas.

Contribuì tar il sboz: Parlamentaris e 160 participants

160 participantas e participants hajan s’express tar la consultaziun. «Blers giavischs» dad els hajan pudì vegnir integrads en il sboz preschentà, scriva la regenza.

En pli sajan vegnids resguardads ils resultats da l'incumbensa Caduff (concernent ina pausa tar la revisiun totala da la lescha per il svilup economic) e l'incumbensa Montalta (concernent l'elavuraziun d'in concept chantunal per promover e per finanziar ils museums regiunals ed ils centers da cultura regiunals).

Jäger dà dals mauns.
Legenda: Martin Jäger ha preschentà la missiva da la lescha da cultura. Keystone

Concept cumplessiv per il sustegn da la cultura

En il sboz duai la regenza er vegnida obligada da far in concept cumplessiv davart la promoziun da la cultura en il chantun Grischun.

RR actualitad 12:00 / 17:00

Artitgels legids il pli savens