Siglir tar il cuntegn

Header

cuntegn

Chantun La midada dal clima mida l'aspect dals guauds grischuns

Las consequenzas da la midada dal clima vegnian plaunsieu visiblas en ils guauds grischuns. I vegn en ils proxims 50 fin 100 onns pli chaud – minimalmain, ma creschent.

audio
Bunura: Consequenzas dal clima sin il guaud
ord Actualitad dals 02.11.2016.
laschar ir. Durada: 2 minutas 33 Secundas.

L'uffizi federal d'ambient ha communitgà che las temperaturas vegnian a s'augmentar en ils proxims 50 fin 100 onns per in fin trais grads celsius. Il motiv per questas midadas dil clima èn ils gas da serra (CO2 e metan). Quella midada da temperatura procura per fa differents problems a las plantas indigenas.

Il cunfin dal guaud sa sposta per 500 fin 700 meters

Tenor ils scienziads è il problem principal, che l'ur dals guauds sa sposta per 500 fin 700 meters vers ensi. Las consequenzas èn ch'i dat pli blers baus-scorsa, che la vegetaziun na funcziuna betg pli endretg u ch'i dat dapli neofitas, quai èn plantas betg indigenas ch'engulan il plaz da las plantas indigenas.

Purtret dal guaud en il Parc Naziunal.
Legenda: En 50-100 onns na vegn la Val Cluozza betg pli ad esser la medema Il guaud grischun stat avant grondas midadas (purtret: Val Cluozza). Keystone

Guardar dad onn tar onn

Tenor Marco Vanoni da l'Uffizi forestal dal Grischun èn ils selviculturs dil Grischun gia ussa vi dad elavurar projects per mantegnair las plantas indigenas. Schanegiada vegn nagina regiun grischuna. Per il futur ston ils selviculturs far preparativas dad onn tar onn e guardar co tut sa mida.

RR actualitad 07:00

Artitgels legids il pli savens