Siglir tar il cuntegn
Jon Domenic Parolini, Benno Niggli e Gian Michael (da dretg) sustegnan cun tutta forza lur cusseglier naziunal Duri Campell che lez possia restar in'ulteriura legislatura a Berna.
Legenda: Ils burgaisdemocrats grischuns van cun buna speranza en l'onn nov Jon Domenic Parolini, Benno Niggli e Gian Michael (da dretg) sustegnan cun tutta forza lur cusseglier naziunal Duri Campell che lez possia restar in'ulteriura legislatura a Berna. RTR, Pietro Jacomet

Chantun La PBD è optismistica da defender il sez da Duri Campell

Il 2019 han puspè lieu elecziuns naziunalas. Dapi 2011 n’èn ils liberaldemocrats betg pli represchentads en il Cussegl naziunal. Quai vulan els midar quest onn. La PBD è dentant fitg optimistica, ch'els vegnan a savair tegnair Duri Campell en ses mandat.

Duri Campell na tema betg ch'il 2019 pudess esser l’ultim onn ch’el po politisar a Berna. Avant quatter onns n'haja el betg anc giu experientscha e saja vegnì elegì. Che la PLD vul suenter otg onns returnar en il Cussegl naziunal, da gliez è la PBD conscienta. Dentant mettan els plitost en dumonda, sche la PPS haja dabun cun Heinz Brand e Magdalena Martullo-Blocher dus sez en la chombra gronda.

La glista n'è anc betg scritta

Tgi che vegn ad accumpagnar Duri Campell sin la glista d’elecziuns n'è anc betg segir. Il president da la PBD Grischuna Beno Niggli ha menziunà, ch’els vegnan a publitgar la glista pir fin primavaira. Ins haja tar las elecziuns chantunalas 2018 fatg in sbagl cun publitgar la glista ditg avant. Cler è fin uss mo che Duri Campell vegn ad esser sin plaz in e ch'i vegn sin sia glista almain ad avair in num d'ina dunna.

RR actualitad 11:00

Artitgels legids il pli savens