Siglir tar il cuntegn
cuntegn

Chantun La PCD sa metta cunter l’iniziativa dubla davart la scola

Avant curt han ils delegads da la PCD grischuna decidì cleramain la parola NA a las iniziativas «Buna scola grischuna». Ed ils delegads han era refusà cun clera maioritad l’iniziativa per l’autodeterminaziun da la PPS.

Logo da la PCD.
Legenda: Vinavant la regenza che duai decider davart ils detagls da la scola, manegian ils delegads da la PCD grischuna. RTR

Quai che pertutga las iniziativas «Buna scola grischuna», èn ils delegads cristiandemocrats suandads a lur deputà Severin Geisseler ch’ha proponì da refusar la fatschenta. Tenor quel na faschessi insumma nagin senn, sch’il Cussegl grond stuess decider davart passa 500 cumpetenzas dals scolars. Quai duai restar chaussa da la regenza. Ils delegads èn suandads ed han decidì cun gronda maioritad la parola NA.

Ils projects naziunals

Il na a l’iniziativa per l’autodeterminaziun han ils delegads da la PCD grischuna decidì cun 74 cunter 5 vuschs, tar trais abstenziuns. Las parolas per las ulteriuras fatschentas federalas ha la suprastanza da la PCD prendì: quella refusa l’iniziativa davart las vatgas cun corna, di percunter gea a la lescha per survegliar assicurads socials.

RR actualitad 14:00