Quai èn duas da las quatter adattaziuns impurtantas da la revisiun da las prescripziuns chantunalas da pestga che la regenza ha approvà.
Las novas disposiziuns pertutgan er la pestga en il flum Landquart. Là èsi lubì da pestgar gia davent il 1. da favrer e betg pli pir il 1 da matg e quai pervia da l'aua ch'è per gronda part turbla la primavaira.
Reducziuns da pestgar en l'En
In'ulteriura midada dat quai per la pestga en l'En. Ils buns success da pestga da salmonids n'èn betg garantids en il flum da vallada dal chantun, nua ch'i vegn pestgà il pli savens. Perquai vegn il dumber da salmonids ch'ins dastga pigliar per di reducì da 6 a 4 a partir da la stagiun da pestga 2017.
La quarta disposiziun impurtanta pertutga la pestga intensiva dal salmelin canadais en ils lais da l'Engiadin'ota. Quest pesch da rapina smanatscha dapi var 10 onns la preda da salmelins da lai. Cun abolir la limita da lunghezza e dal dumber da salmelins canadais che dastgan vegnir pigliads spera la pestga grischuna ch'i dettia in svilup positiv en quest reguard en ils lais da l'Engiadin'ota.
RR novitads 11:00