Siglir tar il cuntegn

Header

cuntegn

Chantun La purschida da basa rumantscha stoppia restar

La regenza grischuna pretenda, ch'ina purschida publicistica concreta per rumantsch vegnia fixada en la nova lescha federala davart las medias electronicas.

Per la regenza grischuna èn las midadas proponidas per la nova lescha federala da medias electronicas discriminantas per il rumantsch. Ella pretenda ch'i dettia era per la lingua rumantscha ina purschida publicistica concreta per radio, televisiun e purschidas online – sco quai ch'è il cas en la lescha actuala. Quai ha la regenza communitgà la gievgia ed uschia prendì posiziun tar il sboz da la nova lescha davart las medias electronicas.

Regenza beneventa la promoziun dal talian

Da l’autra vart beneventa la regenza che la lingua taliana survegn la medema paisa sco il tudestg ed il franzos en las purschidas da la SRG/SSR. Era vul la regenza s’engaschar per ch’ils daners da promoziun per emissiuns da radio en muntogna e dad online restian er vinavant. Era èsi impurtant per la regenza ch’ils models per promover la distribuziun da gasettas regiunalas vegnan sviluppads vinavant.

RR novitads 11:00

Artitgels legids il pli savens