Siglir tar il cuntegn

Header

cuntegn

Chantun La quantitad da naiv è sut la media

Suenter la gronda naiv mez november n'hai fin ussa betg da bler dapli naiv. E tenor las prognosas da l’aura na vegn questa situaziun era betg a sa midar ils proxims dis. L’Institut federal per la perscrutaziun da naiv e lavinas a Tavau discurra tuttina d’in enviern normal.

Il mez da november è il Grischun vegnì surprais d’ina massa naiv. Dapi lura manca ella. Benjamin Zweifel è prognosticher da lavinas tar l’Institut federal per la perscrutaziun da naiv e lavinas a Tavau. El di che l'enviern 2019/2020 na saja fin ussa betg stà extraordinari cumpareglià cun ils davos 50 onns. En il Grischun dal Nord ed en direcziun da las Alps da Glaruna saja la naiv stgarsa, dentant en regiuns sco l’Engadin’Ota saja la cuverta da naiv pli grossa. Il perscrutader declera che la naiv sut 1'500 meters vegnia bainbaud a luar. Grazia a las temperaturas bassas restia la naiv en l'autezza anc in temp.

Privel da lavinas crescha

Cunquai ch’igl ha dà gia baud naiv, cura che la terra era anc chauda, è il ristg pli aut per lavinas glischnusas – las uschenumnadas «Gleitschneelawinen» . Savens sa sviluppan questas sin spundas cun ina surfatscha glischa sco per exempel plattas da crap u pastg.

RTR actualitad 07:00