«La Repower è ina spusa favuraivla»

Che las ovras electricas dal chantun Turitg hajan interess da sa participar vid la Repower na saja nagina surpraisa. Quai di il schurnalist Armin Menzi, ch'è sa spezialisà sin energia. Ils dus concerns d'energia cumpletassian bain in l'auter.

Il maletg mussa l'entrada da fatschenta da la Repower Bild in Lightbox öffnen.

Legenda da maletgs: La EKZ ha mustgas da sa participar vid la Repower. Keystone

La Repower saja in grond producent d'energia, haja dentant relativ paucs clients (circa 85'000). Tar las ovras electricas dal chantun Turitg saja gist il cuntrari: Lezzas hajan ina pitschna producziun, dentant blers clients (circa 300'000). Perquai saja l'interess da la EKZ vid la Repower chapaivel, declera Armin Menzi. Tant pli che la Repower saja actualmain en la crisa e saja perquai «ina spusa relativamain favuraivla».

La dumonda saja tge cumpart che la Repower pudess vender a las ovras electricas dal chantun Turitg. La maioritad da las aczias (58%) s'auda al chantun Grischun ed i saja intschert sche lez veglia dar ord maun questa pussanza.

Il maletg mussa Kurt Bobst avant ina reclama da la Repower. Avrir maletg en lightbox.

Legenda da maletgs: Il CEO da la Repower Kurt Bobst n'è anc betg s'exprimì davart l'interess da la EKZ. Keystone

La Repower e las ovras electricas dal chantun Turitg han enfin ussa be confermà ch'i dettia discurs. Detagls davart ina cooperaziun n'han ils concerns betg vulì tradir.