Siglir tar il cuntegn

Header

cuntegn

Chantun La Russia studegia da boicottar il WEF

Il schef da regenza russ Dmitri Medwedew smanatscha da boicottar il proxim Forum mundial d’economia a Tavau, en cas ch'impurtanta glieud da fatschenta russa n’è betg bainvegnida là. El reagescha uschia sin in rapport da medias.

Tenor in rapport da la gasetta «Financial Times» da l’emna passada, sajan sin squitsch dals Stadis Unids plirs umens da fatschenta russ vegnids supplitgads da betg vegnir a Tavau il schaner 2019. Tranter auters sa tracti tenor la gasetta da dus umens cun stretgs contacts cun il president russ Wladimir Putin.

La Russia fa pressiun

Uss ha il schef da regenza russ Dmitri Medwedew appellà, da reveder «las decisiuns en connex cun la glieud da fatschenta russa». Uschiglio vegnia la Russia a desister da trametter represchentants statals e d’interpresas dal stadi a Tavau, ha Medwedew ditg tenor agenturas da novitads russas.

RR actualitad 18:00

Artitgels legids il pli savens