Siglir tar il cuntegn
cuntegn

Chantun La scola grischuna na vegn betg a ruaus

Il mument gira bler en il sistem da scola en il Grischun. Novas leschas, novs plans d'instrucziun. Lura era votaziuns gia stadas e che vegnan anc. Uschia èsi nagina surpraisa che las votaziuns eran er in grond tema tar la radunanza da delegads da la Magistraglia Grischun a Glion.

Legenda: Guardar il video Dieta annuala da la magistraglia. Durada 02:26 minutas.
Or da Telesguard dals 26.09.2018.

La LEGR, l’uniun grischuna da scolastas e scolasts, cumbatta era l’iniziativa dubla che stat en votaziun ils 25 da november – e che porta il titel «Per ina buna scola grischuna». Quella pretenda ch’il pievel ed il Cussegl grond possian sa participar pli fitg en dumondas da furmaziun.

Ussa èsi da lavurar cun quai che nus avain instradà. Igl è fitg impurtant ch’i vegn pli ruassaivel en ed enturn la scola.
Autur: Sandra Locher Benguerelpresidenta da la Magistraglia Grischun

Suenter ch’igl ha dà dapi il 2013 ina nova lescha da scola e ch’il plan d’instrucziun 21 è en vigur dapi quest onn da scola, pretenda la presidenta da l’uniun da la Magistraglia Grischun ch’i dettia finalmain ruaus en ed enturn la scola.

Tut las discussiuns en connex cun las iniziativas passadas e pendentas hajan dentant era gì in effect positiv, manegia la president da la Magistraglia Grischun, Sandra Locher Benguerel.

La furmaziun e scolaziun muventa e procura per discussiuns [...], quai è il mussament per ina furmaziun viva!
Autur: Sandra Locher BenguerelMagistraglia Grischun