audio
Bunura: La sien – Durmir en baselgia anno 1709
ord Actualitad dals 20.11.2019.
laschar ir. Durada: 3 minutas 54 Secundas.
Conradin Riola sto esser stà in reverenda engaschà. Ed el aveva in problem: adina puspè sa cupidavan ils da Sent durant il servetsch divin. Els faschevan il cuz empè da tadlar il pled da Dieu – ed il predi da lur reverenda. Per il Signur reverenda ina chaussa nunditga. E cunquai che las sias admoniziuns a bucca na tanschevan betg, ha el decidì da scriver in cudesch cun il titel:
TROMMETA SPIRITUALA Per excitar tots dormenzats pecchiaders, In Special quels chi dormen in Baselgia & Chiasa da Deis.
Sin prest 200 paginas scriva il reverenda en la sia «Trumbetta spirituala» dal putgà da durmir en baselgia e da la natira da la sien. Però, sco che l'istoricher Jon Matthieu ha constatà prest 300 onns pli tard, n’aveva Conradin Riola betg survegnì grond applaus per il ses cudeschet.
Legenda:
Il reverenda ha er empruvà da declerar la natira da la sien:
«Quest natüral sön & dormir vain causa dals Tampfs, chi van sü dal stomi in l'tscharvé & cheu dal Crastian»
RTR
RR actualitad 07:00