Siglir tar il cuntegn

Chantun La situaziun da vias sa normalisescha – en l'entir chantun

Suenter las navadas e la plievgia la gievgia era l’Engiadina Bassa be pli accessibla cun l'auto tras il Veraina e sur l’Austria. Uss sa normalisescha la situaziun. Era parts sisum la Surselva n'eran betg pli accessiblas.

Legende: Video Suenter la naiv en l'Engiadina Bassa abspielen. Laufzeit 1:59 Minuten.
Or da Telesguard dals 05.01.2018.

Engiadina Bassa:

  • In di suenter sa normalisescha la situaziun sin las vias en Engiadina Bassa.
  • La via tranter Zernez e Brail, la via dal Fuorn e la via da Martina a Vinadi han pudì vegnir arrvidas.
  • Samignun è accessibel sur l’Austria. La via da la vart Svizra vers Samignun resta anc serrada.
  • La via d’Ardez a Sur En, quella da San Jon a S-charl e quella da Sent a Sinestra restan era anc serradas pervi dal privel da lavinas.
  • Pliras sendas da viandar èn era anc adina serradas causa privel da lavinas.

Cadi regiun da Mustér:

  • La via tranter Mustér e Sumvitg era serrada la notg passada.
  • Pliras vias lateralas en la regiun èn serradas.
  • La Viafier retica ha pudì charrar pervi d'in agen sistem d'avertiment.
  • Ils indigens na resguardan betg adina ils signals a la Stalusa, perquai ha il chantun serrà la via, ha ditg la pledadra da la Viafier retica Yvonne Dünser.
  • Il privel da lavinas è gronds.

RR actualitad 17:00