Siglir tar il cuntegn

Header

Il lai da Zevraila en Val Son Pieder.
Legenda: Il lai da Zevreila en Val Son Pieder. Era la vischnanca da Val profitescha dals tschains d'aua. Keystone
cuntegn

Chantun La sortida da la forza atomara duai liberar ils tschains d’aua

In «GEA» a l'iniziativa per sortir da l'energia atomara duai salvar ils tschains d'aua a las vischnancas da concessiun en il Grischun. Uschia quinta la cuminanza d’interess (IBK) che cun sortir da l’energia atomara creschan ils pretschs per current electric.

La IBK recumonda uss a tut las sur 50 vischnancas cun ovras idraulicas en il chantun Grischun da sustegnair l’iniziativa per sortir da l’energia nucleara, quai communitgescha l’IBK.

Il motiv per questa recumandaziun èn las contractivas sur dals futurs tschains d’aua tranter las vischnancas da concessiun ed las ovras electricas ch'èn fitg difficilas. A partir dal 2020 vegnan las emprimas cunvegnas da concessiun a scader e novas contractivas ston vegnir fatgas.

Ils discurs na vegnan betg vinavant

Tenor il cusseglier guvernativ Mario Cavigelli èn las emprimas contractivas gia vegnidas interruttas suenter l’emprima dumonda. E sco pliras medias rapportan na vulan ils concerns d’energia betg pli pajar daners da concessiun a las vischnancas. Per bleras vischnancas muntagnardas èn questas entradas ord ils tschains d’aua da muntada existenziala, scriva la IBK.

Ovras atomaras uschè svelt sco pussaivel giud la rait

Pli spert che las ovras atomaras vegnan uss prendidas giud la rait e pli spert che las ovras idraulicas ed ils tschains d’aua èn garantids, prognostitgescha la IBK. Sin il pli tard cura che las ovras atomaras da Beznau 1 èn crudadas ora l’atun passà èsi evident che ina reducziun da l’offerta da current electric maina er tar in pli aut pretsch, scriva l’IBK.

Regenza grischuna e cunter l’iniziativa

Il cusseglier guvernativ Mario Cavigelli fa dentant reclama per in «NA» a l’iniziativa per sortir da l’energia nucleara che vegn en votaziun ils 27 da november.

RR novitads 15:00

Dapli da Grischunavrir la Landingpage

Nach links scrollen Nach rechts scrollen